النظام والقانون في المانيا

- النظام والقانون :

الشرطة والقضاء بألمانيا هنة الوحيدان المسؤولان عن النظام والمحافظة على تطبيق القوانين
كيف يعني ؟؟
الشرطة بتحافظ على الأمن العام والنظام وبتلاحق المجرمين وبتحقق جنائياً بكل الجرائم
 والقضاء هوة مسؤول عن حماية الحقوق المدنية وأصدار الأحكام وقت بصير تعدي على أي حق مدني وبعاقب المتعدي على هادا الحق وكل مرتكب لجناية بالعقوبات المناسبة يلي نزلت بالقانون

طبعاً بالقانون الألماني متل سوريا في تمييز بين المخالفات وبين الجنايات. طيب شو الفرق ؟؟
 الفرق أنو المخالفة عليها غرامة مالية وطبعاً بتكون بناءً على حجم المخالفة متل صدم سيارة دون إلحاق الضرر بأحد.
أما الجناية هية مخالفة بس كتير كبيرة. طيب متل شو ؟؟ متل أرتكاب جرم القتل!
ويعاقب عليها بالسجن وعقوبات مالية كبيرة
وطبعاً لازم خبر الجميع هون لأنو مافي شي أسمو إعدام بالقانون الألماني لأنو لغو الإعدام بعام  ١٩٤٨ بألمانيا الغربية وبـ عام ١٩٨٧ بألمانيا الشرقية

طيب مين بأصدر الأحكام الشرطة ؟؟ لا مو الشرطة القضاء وهنة يلي بقررو العقوبة وبحددوها وكل شخص بيحكم شخص بشكل شخصي بعرض نفسه للمسائلة القانونية

وبحق لكل شخص متواجد بألمانيا أنو يقول ((أنا شايف هادا القانون غلط وكلو ضحك على اللحى !)) وبيقدر يصنف القوانين على أنها فاسدة بس لازم يلتزم بالقوانين الموجودة ويحافظ على النظام العام
 طبعاً أحيانا الألتزام بهي القوانين بسبب بعض المشاكل لأنو بيتصرف الشخص تصرف بحسو الشخص التاني تصرف مس بكرامتو بس بكون مافي أي مخالفة وتصرفو صحيح ضمن القانون بهادا الوضع ما بيقدر يحرك عليه دعوى ولا يرفعها

و أحيانا بتكون تصرفات مسموحة ببلدان تانية ممنوع هون متل إرغام البنات على الزواج أو تعدد الزوجات وعقوبة أرغام البنات على الزواج تصل لمدة أقصاها خمس سنوات

حق الحماية من أي ضرر أو أذى مكفول لكل فرد على الأراضي الألمانية حتى داخل العائلة.
 كيف يعني ؟؟ يعني في حال ضربت أبنك أو بنتك فـ رح تتعرض لمسائلة قانونية وحبس أو في حال ضربت زوجتك
تعنيف الزوجات بألمانيا ألتغى عام ١٩٢٨ وتعنيف الأطفال ألتغى عام ٢٠٠٠
 لهيك كل طفل ألو الحق بتربية خالية من العنف

طيب شو مسموح أنواع مخدرات بألمانيا ؟؟
 الوحيد المسموح هوة الكحول والنيكوتين وكل ما عدا ذلك ممنوع ومسموح بشرب البيرة والنبيذ لكل شخص أتم الـ ١٦ من عمره أما كل ما عدا ذلك كلو ممنوع لحتى يصير عمرو ١٨
وممنوع أي شخص تحت الـ ١٨٨ يدخن وأي شخص بيعطي قاصر سيجارة بيتعرض لمسائلة قانون