شرح قاعدة dativ في اللغة الالمانية

شرح داتيف 

اول شي الارتيكل بالداتيف: 

Der=dem

Das=dem

Die=der

Die Plural =den-n

ثاني شي وهو الاهم هن أحرف الجر يلي بتجي مع الداتيف هن : 

(ab_außer_zu_nach_bei_

von_aus_mit_seit_gegenüber) 

هدول أحرف الجر لازم ينحفظو بصم بصم بصم مو بس تقرأوهم وتسكرو 

المنشور بتحفظوهن متل أساميكن لان بدونن مارح تعرفو الجملة داتيف او اكوزاتيف

 معليش بدها شوية صبر انا كنت بالبداية هيك بس هلئ صرت من عشاق اللغة الالمانية. 

😂😂😂

بصراحة بس ماحدا يتمسخر عليي هههه انا شوي ضعيف بقواعد اللغة العربية

 بس بقواعد اللغة الالمانية اقوى بكتير. 

باللغة الالمانية في ادوات للسؤال :

Wo: وين

ال Wo داااااائما مع حروف الجر تبع الداتيف حصرااااً

Woher : من وين

الWoher بتجي مع احرف الجر (von_aus)

Wohin : لوين

الWohin بتجي مع احرف الجر (nach_zu) 

بس رح اشرحها اليوم فقط مع داتيف ورح اعمل منشور تاني للاكوزاتيف. 

وباللغة العامية وليس بالفصحة لاني بحس هيك بتفهم اكتر ههههه. 

 نبدأ بسم الله :

اول شي اذا بدنا نعرف الجملة انو داتيف لازم تكون صيغة السؤال. (من وين_وين_لوين) 

ورح اكتب مثال بكل حرف جر 

( ab )

ومعناه (أبتداء من)

يستخدم مع اللامكان والزمان 

مثال:

Hallo Yusuf 

Ich würde gerne wissen, wann du einen Urlaub hast? 

مرحبا يوسف 😘

بدي أعرف ايمتا عندك عطلة ؟ 

Ja Hallo Mein Schatz, ab dem Freitag bis den Sonntag habe ich den Urlaub. 

أهلين حبيبتي. 😘 أبتداءً من يوم الجمعة ل يوم الأحد انا عندي عطلة. 

ملاحظة : الارتيكل يلي بعد حرف الجر بس هو يلي بيتغير واذا كان في بباقي الجملة ارتيكل تاني بضل متل ما هو. 

لاحظو لما كتبت ab dem Freitag 

 Der Freitag 

بالداتيف وحصراً بعد حرف الجر مباشرةً بصير 

Dem Freitag 

Ab dem August Monate möchte ich Sport machen. 

من الشهر الثامن بدي بلش اعمل رياضة. 

وفينا نقول مثلاً من اليوم او من بكرا 

Ab heute..... 

Ab Morgen 

نبلش بحرف الجر التاني :

(außer) 

معناه ماعدا ...ويستخدم مع كل شي بيخطر عبالكن 

مثال: 

Ich kann nicht lebe, außer meiner Mutter. 😁

مافيني عيش ماعدا أمي حبيبتي 😍

Ich kann nicht, zum Arzt gehe, außer meinem Freund. 

مافيني روح عالدكتور ماعدا رفيقي. 

متل مو شايفين اجا حرف الجر بعدو اداة الملكية

Die Mutter=Meine Mutter=in Dativ = Der Mutter =meiner Mutter. 

متل مو شايفين تغير الارتيكل ل من Die ل Der اجا حرف جر داتيف. 😁

حرف الجر الثالث:

(zu) 

يستخدم للذهاب للاصدقاء والاماكن والمدن

Yusuf kannst du ein bisschen zeit mit mir bleiben? 

يوسف فيك تضل شوية وقت معي؟ 

Nein habe ich keine Zeit, muss ich zur Schule gehen. 😩

لا ما عندي وقت لازم روح عالمدرسة. 😃

Hallo Yusuf kannst du eine Schokolade für mich kaufen,wenn du nach Hause kommen? 

يوسف فيك تشتريلي شوكلاته لما بتجي عالبيت؟ 

Nein ich kann nicht,weil ich nicht in der Stadt bin, und möchte ich zu Mohammed gehen. 

لا مافيني لانو انا مو بالمدينة وبدي روح لعند محمد. 😡

شو أنا مو فاضي إلا ألك.. 😂😂😂مزح ها انا ما بقول هيك لرفقاتي 

متل مو شايفين بالجملة الأولى تغير الارتيكل. 

Die Schule =in Dativ = der Schule =zu+der=zur

بالجملة التانية ما تغير حرف الجر ليش يا حزركم. 😁

لانو الأسماء ما بتاخد ارتيكل متل اسم محمد كيف بدكم تحطولو اداة تعريف. 😒

بتمنا الكل لحد الان يكون فهم القاعدة وخلي عندكم شوية صبر لقراءة كل

 المنشور لانو أهم قاعدة باللغة الالمانية وبدونها مستحيل حدا يتعلم اللغة.

حرف الجر الرابع :

(nach) 

هاد حرف الجر في اله اكتر من معنى وبيستخدم للمدن يلي مافيها ارتيكل وللسفر للبلاد.

(إلى_ بعد) 

Yusuf kannst du Heute zu mir kommen? 

يوسف فيك تجي لعندي اليوم؟ 

Ja ich kann, aber wann? 

اي بقدر بس أيمتا؟ 

Wann hast du Zeit? 

أيمتا عندك وقت؟ 

Jetzt habe ich keine Zeit, aber nach einer Stunde habe ich Zeit. 

هلئ ماعندي وقت بس بعد ساعة عندي وقت. 

هي المعنى الاول لحرف الجر والمعنى التاني سهل اكيد الكل بيعرفو:

Yusuf wann kommst du nach Hause? 

يوسف أيمتا جاية عالبيت؟ 

Um 5 Uhr will ich nach Hause kommen. 

الساعة 5 جاية عالبيت. 😡 شو بدك مني يا أخي خليني برا والله مليت من قعدة البيت. هههههههه

متل مو شايفين هون كمان بالجملة الاولى. 

Die Stunde = Der Stunde = einer Stunde. 

بالجملة التانية مابيحتاج ارتيكل.

حرف الجر الخامس : 

(bei) 

بيستخدم للأماكن والاشخاص :

(عند_من عند) 

Yusuf wo bist du bis Jetzt???? 

😒😒😒

يوسف وينك لهلئ؟؟ 

Ich bin bis jetzt beim Arzt,und brauche ich mehr Zeit. 

أنا لهلئ عند الدكتور وبدي شوية وقت كمان. 

Wo arbeitest du? 

وين بتشتغل انت؟ 

Ich arbeite bei Aldi. 

انا بشتغل عند الألدي. 

ملاحظة حرف الجر Bei بضل متل ما هو مع الاسماء يلي مافيها ارتيكل 

ومابيتغير شكلو إلا مع Der بصير beim 

مع Die بصير bei der 

Ich bin bei der Arbeit. 

انا بالشغل 

Ich bin bei Mohammed. 

انا عند محمد.

حرف الجر السادس:

(von) 

يستخدم مع الاشخاص والاماكن.. والوقت مع bis

Yusuf Woher hast du den Computer gekauft? 

يوسف من وين شتريت كمبيوترك؟ 

Ich kaufte es von der Stadt. 

اشتريتو من المدينة. 

Ja ich weiß von der Stadt, aber vom Welchem Lade? 

اي بعرف انو من المدينة. 😒 بس من أيا محل؟ 

 vom Computer Lade, es heißt Mediamarkt. 

من محل كمبيوترات أسمو ميديا ماركت. 

Wann hast du Zeit Heute? 

ايمتا عندك وقت اليوم؟ 

von 1 bis 5 Uhr habe ich Zeit. 

من الساعة 1 ل 5 عندي وقت.

Heute ist Sehr Langweilig. 😒😒

اليوم ملل كتييير 

Wohin kann ich gehe? 

لوين فيني روح؟ 

kannst ins Schwimmbad gehen. 😁

فيك تروح عالمسبح

Nein brauche ich nicht, jetzt komme ich vom Schwimmbad.

لا ما بدي. 😂 هلئ اجيت من المسبح.

حرف الجر السابع :

(aus) 

بيستخدم مع الدلالة على المنشأ يعني من وين حضرتكم وكمان بيستخدم مع

 الشغلات يلي مصنوعة من مواد متل بلاستيك او الخشب إلخ.....

 ويستخدم أيضا لما بدنا نجيب شي من داخل مكان مغلق. 

مثال:

Ich nehme mein Handy, aus dem Schrank. 

بمعنى انا اخدت تلفوني من داخل الخزانة. 

مثال تاني :

Ich bringe einen Apfel, aus dem Kühlschrank. 

انا جبت تفاحة من البراد. 

Mohammed hat meine Hose ,aus meinem Schrank genommen. 

محمد اخد بنطلوني من الخزانة. 

هون بيجي حرف الجر aus بمعنى من خلال او من داخل الخزانة وكل الاماكن المغلقة يعني لما حدا بدو ياخد شي من مكان مغلق متل الخزانة او البراد هن اماكن مغلقة. 

Woher kommst du? 

Ich komme aus❤😭 Syrien 😭❤ Und Syrien bedeutet mein Herz. 

رحمة الله عليكي يا سورية الحبيبة والله قلبي وروحي قليل عليكي

aus Welchem material steht die Tasse? 

من ايا مادة مصنوعة الكاسة.

Die Tasse steht aus dem Glas. 

الكاسة مصنوعة من الزجاج.

ملاحظة اذا بدنا نسئل عن شي من شو مصنوع منستخدم الفعل stehen حصراً

حرف الجر الثامن : 

(mit)

هاد اسهل حرف جر وبعتقد الكل بيعرفو 

منستخدمو بشكل عام مع كل شي. 

معناه (مع) 

Yusuf wo warst du Heute um 5 Uhr und bitte lügst nicht.😠

يوسف وين كنت اليوم الساعة 5 ورجاءً لا تكذب. 😂 شوفو عهالجواب الحلو 

Ich war mit den Kindern, auf der Straße gespielt. 

كنت عم ألعب مع الولاد بالشارع. 😂😂😂😂😂😂

ملاحظة انا كاتب بأول المنشور الdie تبع الجمع بتصير 

den-n 

لاحظو في حرف n هاد الحرف بينضاف لايا اسم كان جمع

Das Kind= plural Die kinder = in Dativ den Kindern

بالداتيف منضيف حرف n لنهاية الاسم المجموع.

حرف الجر الثامن :

(seit)

هاد حرف الجر انا شرحت عنو بالمنشور السابق بس رح ارجع عيد مشان يلي ماشاف يشوف ويتعلم. 

حرف الجر هاد معناه ( منذ) يستخدم للزمان فقط ويدل على حدث بدأ بالماضي ومازال مستمر حتى يومنا هذا.. لليوم يعني 

وشغلة تانية مابيجي معو افعال بالماضي لازم الافعال دائما بالحاضر وله صيغة خاصة بالسؤال

عند السؤال نقول seit wann

مثال :

Seit wann bist du in Deutschland? 

من أيمتا وأنت موجو بألمانيا؟ 

Seit einem Jahr bin ich in Deutschland. 

منذ سنة وانا موجود بألمانيا 

ومتل ما قلت الافعال مابتجي بالماضي مع هاد الحرف 

فينكن تغيرو بعض الشغلات بالجملة 

Ich bin seit einem Jahr in Deutschland. 

كل الجمل لهم نفس المعنى لكن الفعل يبقى في الحاضر

Seit 8 Monaten komme ich nach Deutschland.

Seit wann rauchst du? 

من ايمتا انت بتشرب دخان؟ 

Seit 4 Monaten rauche ich. 

Ich rauche seit 4 Monaten. 

احكو الجملة كيف ما بدكم بس المهم الفعل يكون بالحاضر. 😁

مليتو من القراءة مو هيك هههههه يلي بدخن متلي شغل سيجارة لك ابي شغل شغلي مخك شوي

حرف الجر التاسع والاخير :

(gegenüber) 

له معنى واحد وهو :

(مقابيل أو قبال) 

Hallo Mohammed ich bin Yusuf. 

مرحبا محمد أنا يوسف. 

Ich bin jetzt, gegenüber deinem Haus, kannst du Bitte die Tür aufmachen?

أنا هلئ مقابيل بيتك فينك تفتح الباب Bitte 😂

وهون منكون وصلنا لنهاية حروف الجر مع الداتيف 

احرف الجر يلي بتجي مع داتيف واكوزاتيف هن :

(in_an_auf_neben_hinter_

über_unter_vor_zwischen) 

حفظوهن كمان وان شاء الله بالمنشور الجاية رح اشرحهم كمان صرلي 3 ساعات عم اكتب. 😢

بتمنى التوفيق للجميع وأيا شي مو مفهوم أنا رح كون موجود بالتعليقات. 

بيكفيني كلمة شكراً منكم 😉

❤Mit herzlichen grüßen❤