ادرس جامعة ولا اعمل اوسبيلدونغ في المانيا الجواب هنا

ادرس  جامعة ولا اعمل  اوسبيلدونغ !!!

سؤال كل يوم بيجينا!
تاغ لرفقاتكون ليستفادو بدنا البوست يوصل لاكبر عدد ممكن

الإجابة

بتاخد عدة نواحي ومنها:
_____
1-الشهادة الدراسية:

الشهادة الجامعية بكون مصدرها الجامعة واقوى من شهادة الاوسبيلدونغ يلي مصدرها ال IHK منظمة لشهادات الاوسبيلدونغ
بس طبعا الشهادتين معترف فيهون بضمن الاتحاد الاوروبي والجامعة عمستوى العالم والاوسبيلدونغ ببعض الاحيان
______

2- مكان وطبيعة العمل:
بالاوسبيلدونغ بتكون عم تحتك فعليا بالواقع العملي يعني متفاعل مع السوق والشغل اما بالجامعة باغلب الاختصاصات لازم تعمل براكتيكوم مدتو ست شهور لتباشر بالشغل وهاد يلي بيطلبوه ارباب العمل
_________

3- الراتب:
راتب الجامعة احسن من راتب الاوسبيلدونغ وتقريبا الفروقات لحدود 400 يورو بتكون
بس طبعا حسب مكان عملك
في بعض الشركات بكون رواتبها بالاوسبيلدونغ اعلى من طلاب الجامعة

_______

4- طبيعة الدراسة: الدراسة بالنسبة للتنين صعب باعتبارها مو لغتنا الام
فبتمنا من الجميع يركز منيح عاللغة ويحاولو يتعلمو لل C1 لان لازم تحطو ببالكون وقت تبلشو دراسة او اوسبيلدونغ الاسئلة لح تكون الماني ومذاكرات وفحوص
الشغلة مو سهلة
_______
5- مكانة العمل:
بالدراسة الجامعية فيك تترفع بوظيفتك وتصير شيف اما بالاوسبيلدونغ مابتحسن الا عند بعض الشركات العالمية
_______
ايجابيات وسلبيات:

الجامعة تمويلها سيء وصعب عاللاجئين بكون من البافوك القرض قيمتو 700 يورو تقريبا بالشهر
ولازم تقدم عليه قبل بوقت مشان ماتنكسر ويصير عليك ديون
وطبعا بس تخلص دراسة لازم ترجع 50% منو
وفيك بها الحالة تشتغل كمان ميني جوب مع دراستك بس لازم تكون ملحق عحالك

الاوسبيلدونغ تمويلو من شغلك ووقت الدراسة بتاخد راتب محدد واذا ماكفاك بتاخد من الجوب سنتر مساعدة لتخلص الاوسبيلدونغ وهي شغلة كتير منيحة

________
نصيحتي الشخصية بس طبعا ماحدا مضطر ياخد فيها:
اذا لقيت حالك ماخرج دراسة وتعب فخليك بالاوسبيلدونغ افضل
ويلي بصحلو اوسبيلدونغ بشركة كبيرة وبكون محتار بينها وبين الدراسة فمن وجهة نظري الاوسبيلدونغ احسن

اما يلي حابب يدرس جامعة وملاقي حالو بيحسن يتحمل ضغوط فيكمل ويتوكل عالله

بالتوفيق للجميع